1 ● Somos unha asociación de creativ@s e de axencias, cuxo principal obxectivo é mellorar e unir o talento creativo de Galicia. 2 ● O noso traballo é a creatividade: abrir novos camiños non transitados, innovar, sorprender, atraer e convencer. 3 ● A creatividade é o ingrediente básico para a comunicación. Dela depende a súa frescura, o seu atractivo e, por suposto, a súa eficacia. 4 ● Procuramos darlle pulo ao enxeño da actual xeración e formar as xeracións futuras. Traballar en creatividade é ensinar e aprender. 5 ● A nosa misión é elevar os estándares de calidade da actual creativiade galega en tres direccións: cara aos creativos, cara aos anunciantes e cara aos estudantes. 6 ● Buscamos transmitir a clientes e anunciantes a mesma descarga de dopamina que un creativo obtén ao atopar un bo concepto. Non hai campañas de éxito sen clientes de mente aberta e creativos sen limitacións. 7 ● Vale moito máis unha boa idea do que unha mala. E precisan tempo para brillaren. Temos que seguir sendo socios estratéxicos dos anunciantes. Non somos un gasto, somos un investimento. 8 ● Debemos potenciar as ideas por riba de todo. Tanto ten o formato ou o tamaño. O espazo e o tempo cambiaron; o valor das ideas, non. 9 ● Somos profesionais da publicidade e diso vivimos. Calquera mecánica de concurso debe ser transparente e calquera achega de ideas ou tempo debe ser remunerada. 10 ● Querémonos converter na voz das axencias e os profesionais da publicidade galega, abandeirar as súas reivindicacións e saír en defensa de intereses mutuos fronte a asociacións e a institucións públicas ou privadas.